قولة عانس ولاقولة مطلقه) ايـه عانس

[ORRORRA]

قولة عانس ولاقولة مطلقه) ايـه عانس



تقولون العنوسه مشكله ؟؟!!!!

وانا اقولكم لا

المشاكل واجد ..

عندكم البطاله ..

عندكم الطلاق ..

عندكم مشاكل الخلافات الزوجيه..

فرغوا عماركم لحل هالمشاكل ..

لانها هي اللي خلت العيال يتأخرون في الزواج والبنات على قولتكم يعنسون..

واذا حليتوها تعالوا قابلوني ..

بس قبل تعالوا انا وياكم نسوي دراسه مسحيه لقريه صغيره مثل (( بحره )) ..

جينا وسوينا الدراسه ودقينا كل باب في هالديره وشفنالكم ,, كم مطلقه في كل بيت وكم وحده مابعد تزوجت وعمرها تعدى الثلاثين ..

وكم ولد متخرج من الجامعه ولابعد توظف ..

وكم ولد مخلص الثانويه ومكبر الوساده لانو ولا كليه عسكريه قبلته

ياكثرهم ..تلقوووون الرقم وصل لـ 123456789000000 <<~~ هذا بس في بحره

ثم اسألوا كل مطلقه عن اسباب طلاقها..

وحده بتقولك : كان زوجي سكير ,, والثانيه بتقولك : زوجي نكير ,,, والثاله اهل زوجها طلعوا قشران وكل شوي منكدين

عليها ..

والرابعه تبي تستقل في بيت لحالها بعيد عن اهل زوجها وظروفه ماتساعده

ماراح اقولكم اش الحل ؟؟

بقولكم حـًـلووووو عناااا

تلومونا عشان مااعرسنا

طيب تلحلحوا وحلو هالمشاكل عشان ربي يرزقكم ويرزقنا

اما انكم تبون تجبروني بضغوطكم عشان اتزوج واحد يكد عليه ابوه

والا واحد يكدون عليه خواته الموظفات

والا واحد راتبه مايعيشني على نواشف ؟؟

اصووم اصووم وافطر على بصل

خير انشاء الله

اطلع من الجنه اللي انا فيها واروح للنار

اطلع من العز اللي انا فيه عند اهلي واروح لحياة الكرف والشقا عند الغريب ,, كله بس عشان ارضيكم

وعشان بعد ارحمكم من كثر التعزز لوضعي

لاني بصراحه صايره اكسر الخاطر


بس بقولكم بطلوا تمثيل وضحك على عماركم

لاني المفروض انا اللي اشفق على كثير منكم ..

مو انتم اللي بتشفقون علي

تبون تدرون ليش؟؟

تابعوني الين اخر الموضوع وبتعرفون


*****

ابقولكم موقف صار معي انا وزميلاتي هالسنه..


طبعاً كنا قاعدين في القاعه انا وزميلاتي وكانت اخر ماده نختمها ذاك اليوم واخر محاظره لنا في الجامعه..

فسبحان الله مو مستوعبين ان الخمس سنين مرت بها السرعه ..

فقامت وحده متزوجه معنا وهي متشققه من الوناسه انها خلصت دراسه وافتكت من هم المحاظرات مره وحده وبتتفرغ لبيتها وزوجها ..


وحنا ضايقه صدورنا لاننا بنفارق بعض عقب هالسنين خصوصاً ان بعضنا من طالبات السكن وبعد مايخلصون بيروحون لااهلهم برا جده فماراح

نشوفهم مره ثانيه ..

عاد جتكم هالمتزوجه وقالت لنا : ياحرااام يابنااات .. كيف حتجلسوا في البيت بعد ماتخلصوا دراسه وانتم لازواج ولا وظيفه

وربي ماادري كيف مستحملين تعيشوا من دون زواج ؟؟ الله يعييينكم من جد تحزنوا

قاموا البنات يطالعونها كذا ~~>>

قمت قلت لها : واللهي مااحد يحزن غيرك

حنا بنات ماجربنا الزواج ولااحنا مستعجلين عليه

البنت من تجربه والولد من حلم

لكن انتي اللي مسكينه وتنرحمين لانك جربتي ولو انحرمتي لاسمح الله انتي اللي بتتعبين

فطسوا البنات من الضحك عليها

وهي قامت تكنس وجها اللي تبدد من الفشيله


*****


بعدين العنوسه من وجهة نظري مو نهاية الحياة..

لان البنت هالايام تقدر تثبت تواجدها في في غير بيتها..

يعني تقدر تكمل دراستها او تحقق نجاح في عملها..

الزواج مو شرط عشان تستمر حياة كل بنت ..

فيه استاذات درسوني ماتزوجوا الين الحين وعمارهم في الخمسين ومع كذا ماستسلموا وماقعدوا في بيوتهم من دون مايكون لهم دور ..

وحده من الدكتورات المصريات اللي درسوني رحت لها في مكتبها عشان تكتب لي توصيه لزوم الماجستير ..

فجلست تسولف معي ,, ومدري اشلون جرت السوالف بعض وقالت لي انا آنسه موش متجوزه..

وقلت لها انا اسفه

قالت : انتي بتعتزريلي

بالعكس المفروض تئومي تاخديني بالاحضان عشان انا مطلعتش هبلاء وتقوزت

اصلي انا عشت عمري كله في مصر وشويه في بلاد برا بس عمري مائبلت راااقل يفهمني او انا افهمه



يتبع

منقووووول

[ORRORRA]

العانس احيان تكون أم وصديقه لعيال اخوانها وعيال خواتها وطالباتها...

اذا كبرت تلقى حولها بدال العشره الاطفال اللي ممكن لو انها تزوجت تكون خلفتهم ... بتلقى ثلاثين واربعين ولد وبنت ينادونها يمه

..وبيبرون فيها اذا كانت حبيبه معهم من حينها..

خصوصاً ان علاقتها فيهم ماراح تكون علاقة الام ببنتها او الام بولدها ,, ولاراح تقولهم راح اعلم ابوكم اذا جا وزي هالسوالف اللي تخوف الاطفال

من امهاتهم ..

بالعكس بتكون كصديقتهم ويمكن يتعلقون فيها اكثر من تعلقهم باأمهم الحقيقيه..


وممكن تكون ام لطالباتها اللي هي درستهم خلال فترة خدمتها وبيذكرونها ..

وانا عن نفسي لازلت ازور مدرستي الثانويه واروح اسلم على معلماتي اللي فيها ووحده من استاذاتي عانس زي ماتقولون وفي الخمسين من عمرها مع

كذا الين الحين اتصل عليها في الاعياد وقد زرتها مع امي كذا مره ..

وانا عن نفسي احترمها واحبها مررره واتمنى اكون ناجحه مثلها..

الزواج مو كل شي في حياة البنت العاقله..

ياما حريم تزوجوا وانجبوا اطفال ولاكانوا كفو لها النعمه لانهم ماقدروها حق قدرها ..

بينما فيه عوانس يقدرون يتحملون مسئولية انفسهم ومسئولية غيرهم ..

وياما سمعنا وشفنا عوانس يشتغلون ويصرفون على اهلهم ويربون اخوانهم ويسخرون حياتهم لغيرهم..

والعنوسه يمكن ماتكون مفروضه إنما برغبة البنت نفسها ..

اي نعم..

البنت احيان تقدم تضحيات عشان اهلها وترفض انها تتزوج وتترك امها وابوها لااخوان قاطعين مايسألون عنهم ولايدرون عن احوالهم فتسخر عمرها كله

عشانهم ..

اذا شافت جحود اخوانها وجحود العالم اللي رامين اهاليهم في دور العجزه ولاهم سألين عنهم ,, بتقولكم : ماراح اتزوج واترك امي وابوي

لاأخواني وحريمهم عشان يعذبونهم او مايهتمون فيهم..

اذاً هي انسانه باره ..

انسانه راقيه..

انسانه تستحق اننا نوقف لها اجلال مو نجلس نطالعها بنظرة عطف ..

هي ماتحتاج عطفكم ولا شفقتكم ..

انما تحتاج من مجتمعها تصحيح النظره السلبيه لوضعها...

مو كل عانس شينه او حظها طايح

ولاهيب كل عانس لها ماضي اسود ناويه تخبيه

ولاهيب كل عانس ضعيفه وتحق لها الصدقه وتحل لها الفطيسه


*****

بعدين من وجهة نظري ان الحرمه ماتتزوج عشان الزواج الزواج

انما عشان تخلف الاطفال اللي تلقاهم حواليها اذا كبرت..

والعيال والبنات في هالزمان عساهم ينفعون عمارهم

تلقى الام صارت اذا زوجتهم ماعاد تبيهم وتقول عسى ربي يفكني من شرهم

فبالله عليكم من يستحق الشفقه؟؟

اللي اعرست وخلفت وربت وسهرت وتعبت وفي الاخير مالقت الا النكران والجحود من عيالها ؟؟

والا الانسانه اللي عاشت حياتها في راحه وبعيد عن هاالهم كله ؟؟


*******

بعدين بعض الشباب هاليومين تفكيرهم محدود ولاهم قد المسئوليه..

قلت بعض وركزوا على بعض علشان ماتهبون فيني

وعلى اتفه شي هالشاب تلقاه مطلق

طيعوني .. واسمعوا المثل البشاوري شيقول : قولة عانس ولاقولة مطلقه


يعني المطلقه بتعيش بعد الطلاق حاله نفسيه سيئه لانها خاضت تجربة الزواج اما العانس فهي ماجربت ولاتدري وش

السالفه

وبتجلس زي القطوه المغمضه ولاهي فارقه معها

بعدين مثلكم خابر قد ايش المجتمع قاسي مع المطلقات

منقوووووووووول

[فراووووله]

تسلمين حبوبه عالموضوع

كفيتي ووفيتي والله يهدي الجميع (2)

[بوكشه]

أبوكشه

يعطيك العافيه يا اوريرا