تبسم واترك جروحك على جنب الزمن وارتاح

[فهد]

تبسم واترك جروحك على جنب الزمن وارتاح
حرام تطيح من عينك على شان الزمن دمعـه


انا برجوك لاتزعل ولاتزيد الجـراح جـراح
تبسم واترك جروحك على شانـي بلارجعـه


انا ادري صعب لو تنسى ولاكن الامل ماراح
ولو راح الامل يبقى في تالي من الالم متعـه


ابيك اقوى من عنادي ولو جاك الكلام رمـاح
وابي تشعل من جنونك على طاري الغلا شمعه


وابي تذكر ليالينـا ليالـي شوقنـا الفضٌـاح
وابي تسهر على شاني وتذكر ليلـة الجمعـه


ابي تذكر الى منه كمـل بـدر الجنـون ولاح
اجي وتسابق جنوني خطاوي شوقي السرعـه


كأن الروح بغيابـك بقايـا ساكنيهـا اشبـاح
وكأن القلب من بعدك غريق ويطلب الفزعـه


احبك والغلا يترجم جنونـي والغـلا ذبـاح
غرامً يكشف شعور الجنون ومسألـة وضعـه


كتبت الشعر لعيونك لقيتـك للقصيـد وشـاح
لقيتك روعة حروفي سوالف عشقـي ونبعـه


ابيك اقوى من جروحك تحدى هالزمن وارتاح
لان الدنيا ماتسوى على شان الزعـل دمعـه

[،،،]

أبيــات رااائعه .. لكن لم توضح هل هي منقوله أم من نضمك؟

أخوي : فهــد


حيـــاك الله معانا .. وصح لسـانك
علـى هالقصيــدة الجميلة والعذبه بما تحمله من مشـاعـر مرهفه


ننظــــر منـــــك الـمـــزيــــــــد 0

[دلــــــــــــع]

يسلموووووووو فهد
على الابيات الاكثر من رائعة
سواء كانت منقووولة او من نضمك
بانتظار القادم
تحياتي

[فهد]

اعتذر لعدم الايضاح
الابيات منقوله


منورين

تحياتي واحترامي لكم

[،،،]

حيــاك الله اخوي فهـد

وشكراً للتوضيح (لحفظ الحقوق)

وننتظر منك مزيداً من المشاركات