المساعد الشخصي الرقمي

مشاهدة النسخة كاملة : أهداء الى الكل

مهر الوفاء
01-29-2005, 01:51 AM
سلاااااااااااام
حبيت أهدي القصيده الى جميع أعضاء أحبك
وأتمنى تعجبكم


من روائع الشاعر الامير
عبدالرحمن بن مساعد
عادي....طاح الحطب...وانت الحطب
المشهد الاول
وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة
المشهد الثاني
ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر......
و عنده دش.......و يكذب كثير
و اذا صحى الصبح .....مشط اللحية
عادي........طاح الحطب.......... و حلوة الحياة
المشهد الثالث
غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر.......
كلن يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة
المشهد الرابع
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة
المشهد الخامس
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت........
و راحت تشكي لامها غدر الزمان.......
طبطبت عليها امها وقالت:
ولا يهمك .....سفرة لمصر.... وشوية سيولة
و ترجعين بنت......
عادي........طاح الحطب.......... و حلوة الحياة
المشهد السادس
مرفوع الكفن أبيض ......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة
المشهد السابع
سيارة مسرعة........
و تدعس لها واحد........
مسكين هندي..........
و العسكري صديق الطايش.......
والخطا نصه على الهندي......
والباقي على أبو الطايش..........
و في الليل.....الطايش يلعب بلوت
عادي........طاح الحطب.......... و حلوة الحياة
المشهد الثامن
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة
المشهد التاسع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب......
و تلفونه ما يسكت......
إما بنات.....
أو البنوك تبي فلوسها.......
عادي........طاح الحطب.......... و حلوة الحياة
المشهد العاشر
سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة
المشهد الحادي عشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .......
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز...........
عادي........طاح الحطب.......... و حلوة الحياة
المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة

أعذب تحيه
دلوعه
01-29-2005, 02:12 AM
مسكوووووووووووووور




وماقصـــــــــــــــــــــــــــــــــــــــــــــ ــــــــــــــــــــــــــــــــــــــرت (9)
مهر الوفاء
01-30-2005, 12:10 PM
دلوعه يسلمووو على المرور ولاهنتي يارب
أعذب تحيه
فجوررة
02-07-2005, 08:48 AM
يسلموا مهر على القصيدة انا من اشد المعجبات بالشاعر
عيوني حزينه
02-07-2005, 09:49 AM
يعطيكـ الف عافيه مهر على القصيده الرائعه
مهر الوفاء
02-07-2005, 05:42 PM
فجوووره
عيوني حزينه
الف شكر على التواصل الطيب منكم وربي لايحرمنا هالطله يارب
وشي أكيد الكل يحب هذا الشاعر الأنسان الأمير عبدالرحمن بن مساعد
والقادم أجمل
أعذب تحيه
الدلــــــــــع
02-08-2005, 08:57 PM
مشكوور اخوووي مهر الفوء

الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة

موضوووع واهداء جميييييييييل

يعطيك العافيه ان شاءالله

وتسلم يااارب
مهر الوفاء
02-08-2005, 10:56 PM
هلا وغلا بالدلــــع
منوووره بطلتك البهيه
مشكورين على المرور وربي لايحرمنااا وجودك
أعذب تحيه
امير الورد
09-05-2008, 01:49 AM
مشكووووووووووووووراخوووي مهر الوفاء
طلــول
09-05-2008, 10:29 PM
مشكوووور اخووووووووووووووي صح لسااانك على الابيااااااااات
تقبل مروري
’سيف الشمري’
09-06-2008, 02:33 AM
مشكوورر علىى القصيده

يسلموووووووووووو
’سيف الشمري’
09-06-2008, 02:35 AM
مشكوور يسلموووووووو كلك ذوووق
صريح
09-12-2008, 11:08 PM
مشكور اخويـ مهر الوفاااء


دمتـ بود
ابو المحبه
09-13-2008, 08:41 PM
شكرا على القصيدة

والكلمات الاكثر روعة



تحياتي: